影片
更多
2015-02-14
1960 浏览
有事要去民政处做宣誓，放工喺葵芳附近，住喺彩虹附近，就决定黎深水埗了 搞掂啲无奈野，心情放松了，5点几，当然又系揾食时间啦，不如去维记食面啦，平日哩个时间应该唔驶排队。。。但突然灵光一闪，记起附近有间冇去过嘅拉面铺，即刻睇下记录先。。。西九龙中心同一条街？实在太好了，就过去啦，过两个街口就到喇，真方便（话就话方便，其实深水埗咁多旧楼，咁多大街小巷，西九前面条路咁阔都叫做【街】，唔熟哩边迷路一啲都唔出奇 ）门口条黄色嘅banner非常抢眼，想miss咗间铺都难，故意油成灰色嘅墙，配上啡色嘅窗框加上同色嘅盆栽位，粗糙有个人风格得黎感觉舒服随意，几特别吖~ 好切合混乱嘅主题呀 门口告示话晚市5点半开始，仲有15分钟俾我周围望 注意力俾挂喺门口哩张告示吸引咗过去，下面𠮶行细字尤其重要【早上面条已售完，感谢】。。。咁即系仲有晚市啦，在想如果系周末嘅话，会唔会日市嘅时候就已经卖晒晚市可以卖嘅面呢，我好怀疑。。。平日黎就可以唔驶担心太多喇～尤其系哩个时间都未有人排队，就更令我放心喇 又一温馨提示，我一项项咁睇，再睇返自己。。。。。。唔系讲紧我，冇事，可以继续等喇，但自认为唔适合嘅食友们就要
门口条黄色嘅banner非常抢眼，想miss咗间铺都难，故意油成灰色嘅墙，配上啡色嘅窗框加上同色嘅盆栽位，粗糙有个人风格得黎感觉舒服随意，几特别吖~ 好切合混乱嘅主题呀
门口告示话晚市5点半开始，仲有15分钟俾我周围望
注意力俾挂喺门口哩张告示吸引咗过去，下面𠮶行细字尤其重要【早上面条已售完，感谢】。。。咁即系仲有晚市啦，在想如果系周末嘅话，会唔会日市嘅时候就已经卖晒晚市可以卖嘅面呢，我好怀疑。。。平日黎就可以唔驶担心太多喇～尤其系哩个时间都未有人排队，就更令我放心喇
又一温馨提示，我一项项咁睇，再睇返自己。。。。。。唔系讲紧我，冇事，可以继续等喇，但自认为唔适合嘅食友们就要有自知之明喇，因为我食完得出黎嘅结论系。。。。。最好系追加200克嘅面，芽菜蒜蓉猪背脂都要加够3倍分量咁先食得够过瘾！！！如果唔系只会换黎一脸无奈而已 咁当然哩个只系个人提议，每个人对食嘅追求都唔同，食量亦唔一样，性格亦唔一样，所以只系纯属参考，俾大家多一个想象方向而已～仲有好多时间，我决定乖乖地企喺度门口等，影下相咁咪好，企咗阵之后，大概仲有5分钟先正式营业，就有位服务员同我打招呼喇，安排我喺等候用座位坐低后，就俾咗张点菜纸我慢慢研究喇～
第一次黎，就唔问今日嘅是日推介系咩喇，就玩5选1啦～虽然话系5选1，但基本上就系有冇芝士粉嘅分别，总觉得芝士味同啲猪背脂嘅味应该唔会好夹，排除咗芝士先～【全部入】都唔要，就好似食杂锦面咁，好听就包罗万有，唔好听就系连唔想食嘅都要食埋，何况咪一样有芝士 宜家就系多肉同两片肉嘅选择喇。。。都未试过哩间啲叉烧好唔好食，好食嘅话，今次又食得满意嘅话下次再讲啦～宜家简单喇，要唔要蛋？呵呵。。。。。。紧系要啦 就要【混乱玉子拉面】啦，面要粗嘅5mm，门口都写得好清楚啦，唔钟意粗面嘅唔好入黎嘛，咁佢地一定对自己嘅粗面好有信心架啦，幼面系俾啲真系接受唔到粗面嘅人食嘅姐～
上次去过另外一间食拉面，食完觉得啲汤多咗少少，啲面唔多够，何况有食友话哩间啲汤偏浓嘛，就俾多15蚊加100克面啦
然后就到唔驶额外加钱嘅配料喇～ 加就一定要加架喇，但加几多先够呢。第一次一下子唔好加到咁尽，话唔定人地一开始已经设定好重口味呢，保守少少好啲，就两倍吧 芽菜一样要保守啲，如果佢地煮烂咗啲芽菜，咁啲芽菜就会出晒水，啲汤咪会淡咗啰，1倍算喇，食唔晒咪又系浪费
哩间铺嘅装修好特别的，你话佢地随便咩，其实又一啲都唔随便，相中嘅箱系装饰品唔系货，你睇佢摆到几整齐就知道，上面仲要用胶纸粘块板上去，应该系用胶纸喺后面粘的，就睇佢唔似用钉，又唔担心俾风吹落黎就知道我应该冇估错。故意营造出黎嘅感觉都几舒服嘅～
门口位置有卖未煮嘅面，等有兴趣买返去自己煮嘅客有多一个选择，至于煮唔住得出同堂食一样嘅味就各下自理喇 我当然唔会有兴趣啦，拉面哩味野堂食咪好啰，食面食装修食气氛嘛～我填好份落单纸影咗几张相之后就可以入坐喇，入面清一色系吧台位，可以睇住厨师大大们煮面嘅开放式设计已经可以话系传统了，哩间咁阔落嘅店当然冇例外啦～台面上放咗几只杯，对上仲有壶水添，倒杯饮下放松下先～筷子匙羹七味粉醋等等台面上一样都冇少，比较特别嘅系居然有条鱼干仔放咗喺啲只醋入面，几有创意吖，可惜嘅系我冇去试下加咗哩只醋之后可以为碗面嘅味道带黎点嘅转变，只因为碗面我食得好满意，埋头苦干嘅时候连哩啲调味料都完全忘记了
面黎喇～都好大一碗啵，试下啲汤先，嗯，系偏味道偏浓带酸嘅味噌猪骨汤，口味仲要偏向味噌咸香的，钟唔钟意哩种味道真系见仁见智，有人钟意猪骨汤，有人钟意味噌汤，又好难话你既然用咗猪骨去熬汤，咁就理所当然咁话一定系要煮碗猪骨浓汤面出黎嘅，碗汤同啲面配合好食咪得啰。我食野一向凭感觉，觉得好就好，欣赏下人地想要嘅味道咪几好～两大块叉烧摆喺最上面，就先试下哩件肉吧，夹件试试，嗯。。。好滑啊，煮得好入味，调味啱啱好，带住猪肉本身嘅甜味，食落非常地满足，但脂肪含量好高，极其邪恶嘅一件肉呢～ 不过真系好好味，哩件肥猪肉，我食得好享受
食过啲肥腻野，食一啖芽菜清清佢先，芽菜放喺汤表面，好似冇煮过咁，就系食哩种新鲜清脆嘅感觉，食啖芽菜饮啖浓汤，配合起黎感觉其实几得的
跟住一啖汤一啖芽菜嘅节奏，终于见到啲面了，等我避开啲芽菜，试试啲面先～嗯，口感中等偏软嘅粗拉面，同啲汤一齐食，味道少少偏浓，但食落好舒服，同时间夹啲芽菜，哩个配合其实好适中的 当然唔可以唔记得𠮶啲邪恶之最嘅猪背脂啦，猪背脂就系一粒粒煮到好入味好软嘅肥油，又滑又嫩，味道带甜，同又香又鲜嘅汤，仲有清脆嘅芽菜都非常地配合，一啖面，一啖猪背脂，真系邪恶倒极点呀！！！ 仲有𠮶啲新鲜嘅蒜蓉，混入啲汤入面，真系香到不得了呀 太邪恶喇，太兴奋喇～一边食面嘅同时我就顺手将唯一一片紫菜压落啲汤入面，当食到片紫菜嘅时候又系另外一种风味呢
只半熟蛋嘅造型真系几靓，有流心嘅感觉，蛋味都几香，同少少汤配合咁食，本身较淡嘅鸡蛋即时变得好够味了
我跟住个节奏继续埋头苦干，就好似之前所讲咁，我对碗面实在满意，令我唔觉得有抬头望下其他野嘅需要。。。𠮶啲调味料就留返下次吧
美好嘅时间过得特别快，不知不觉就已经食完了，最后望住碗底仲有少少汤剩低，咁我当然饮埋佢啦，但亦代表仲有加多啲芽菜或者面嘅空间，下次再决定加边样啦，不过我知道蒜蓉同猪背脂一定要加到尽，芽菜最起码加到两倍嘅分量，咁就真系过瘾喇 今次因为唔想啲芝士味影响我对猪背脂嘅感觉果然有先见之明，下次再试下加咗芝士碗麺嘅味道又会变成点吧，不过到时候可能又会发现又加多啲芝士粉先够味吧。。。。
埋单啱啱100蚊，有食开日式拉面嘅食友应该知道通街都系哩个价钱架喇，虽然始终觉得一碗面卖成旧水一碗点都系有啲贵，但食得满意总比食完冇feel好太多了
张贴
