韓家韓國料理 (已結業)

哈韩朋友就快生日，约咗去佢喺观塘嘅公司附近食饭，佢一早订好咗位。呢间叫韩家嘅餐厅，系喺商场入边嘅一楼，朋友话有时都几满座，如果唔早啲定位未必可以食到。餐厅一直播住韩国嘅MV，听到我朋友好开心。本来我哋想食炸鸡套餐嘅，但因为喉咙病咗，所以决定都系散叫。我哋叫咗个牛油果沙律，韩式炒泡菜煎饼，水冷面，炸鸡，年糕，同埋特色饮品。牛油果沙律，牛油果都几多，份量都几大。韩式泡菜煎饼，味道都几浓，煎饼都几软身。水冷面浸在冷水中，见到有少许浮冰，可以自行添加白醋及芥末，冷面份量都几多，同我平时食嘅味道有啲唔同，如果可以加返多啲味道就好。年糕煮得好熟透，而且酱料淡淡的，唔食辣嘅朋友都可以食到。我哋叫咗几款饮品都系梳打饮品，饮品几好味，我哋都有再encore。佢哋最好味嘅系炸鸡，鸡件好嫩滑，而且好入味，我哋下次好返，应该都会再食炸鸡。