TRANSFORMERS THE ARK (已結業)

我哋两个人叫咗个鱼堡，凯撒沙律，劲脆鸡，烤鸡翼，同一杯星空奇遇 (凤梨百香)。几样食物当中，有部份早啲有得拎，因为我哋就坐喺最近取餐处𠮶张枱，于是我就拎咗埋位食先，谂住食住等，等转头有得拎其余𠮶啲先出去再攞。点知取餐处𠮶位店员好到拎埋出嚟俾我哋，后来仲主动拎把刀俾我哋，佢话：「俾把刀你哋分享个包吖」呢个举动真系非常窝心，呢位员工不止有礼貌，而且笑容亲切，真系难得一见。食物方面，沙律，鱼堡，饮品都好好味，但炸鸡同烤鸡翼就较干，唔特别推介。总括嚟讲，我哋对食物同员工都好满意，一定会再嚟。