Sweetology (已結業)

从来唔写食评，今次忍唔住要写第一次食时，觉得好好味，所以黎食第二次，点知。。。落单时问个侍应benedict系烟三文鱼定火腿，佢一脸茫然咁答我:主要系菜啰。我再问，咁除咗菜、蛋同包，有无其他𩠌，佢答: 好像有火腿。我心谂是旦啦，咁就叫咗一份。问佢有无drink list, 佢又一脸茫然咁望住我。。。最后我叫杯冰奶茶啦，结果我果set黎咗杯冻柠茶个benedict系一件配巴拿马火腿，另一件配烟三文鱼。。。我老公叫咗个咖哩吉列猪扒饭，点知应该系同咖喱一齐煮嘅薯仔同红萝卜竟然系白烚再淋啲咖哩汁上面之后够三点可以点甜品，我见到张相个甜品几吸引，叫咗另一个侍应问佢呢个系咩，佢又系一脸茫然咁话，应该系士多啤梨窝夫，我唯有话，你肯定系就帮我落单啦，总之我要呢幅相果个，佢走去问完经理后返黎话:原来系厚班戟配雪糕呢间餐厅个个员工都唔知餐牌上卖紧咩🤦🏻‍♀️唔会再有下次