屋子生活 (已結業)

之前见过介绍，依度装修好靓，今日经开乌溪沙就嚟试吓去到门口，员工见到我但系冇出嚟问我几位，好啦以为系就咁walk in ok ，入到去就比人截住话量体温（心谂你又唔出嚟🙄）食饭时间冇咩位拣，是但坐咗个位，个位啲cushion训底哂又冇员工执，个枱面仲有几条紫菜又冇人抹枱（我系咪去咗大快活😅）叫咗两个套餐 - 咖哩汤乌龙面鸡唐扬同埋明太子釜玉冷乌龙面，味道一般；反而系个餐饮真系唔讲唔得！原本谂住吾饮佢set定个三款饮品同埋唔想要佢个面豉汤同沙律，点知原来叫其他饮品系点都要加咗$25套餐价先，再加$20先可以叫其他嘢饮😳咁唯有净系加$25算，要咗桂花乌龙同抹茶奶绿，点知两杯野伏到！杯桂花乌龙茶淡到好似饮紧水咁！杯抹茶奶绿系开粉都算，大佬你啲粉溶晒先加冰水啦！饮到卡喉咙🤦🏻‍♀️食食下见到个男职员拎嘢食比前面枱客人，但系喺客人个背脊都上菜，左手就拎住另一份餐，如果一个唔觉意就倒咗落客人个背脊到就大镬🤦🏻‍♀️呢间舖嘅员工训练真系有待改善总括嚟讲，如果你系特登嚟依度食装修嘅话系ok嘅！