龍寶酒家

营业中

休息中

今朝去饮茶，叫咗4个孖宝点心套餐共8样嘢，食食吓，佢嚟咗个我冇叫嘅排骨饭，放底画咗张咭就行咗去，跟住啲部长又一个都唔见人，谂住无所谓啦，咪食多样啰，点知到埋单𠮶阵，个收银突然态度好差咁大大声问，你坐边架，我话146，跟住佢就话你肯定唔系坐呢张，仲叫个部长带我去搞清楚我坐边，好似话我出蛊惑咁。跟住个部长话佢知冇错系146，跟住佢就打张单出嚟，好彩我睇一睇，佢张单系收我5个孖宝，即系一共系10样嘢嘅钱，但我明明只系食咗9様，于是我就话佢知，其实系佢哋嚟错咗个饭，我帮佢要埋，但竟然唔声唔声想收我孖宝嘅价钱。点知佢仲话返我转头，话我啲嘢嚟错咗又唔出声，系我自己傻啫咁话。明明系佢想混水摸鱼收多我钱，俾我发觉，仲要话我自己傻，讲啲完全唔系人话。我话佢态度差，要揾佢经理，佢就话你咪自己去揾啰。总之系态度十分恶劣。跟住同佢个经理讲，佢都系敷衍了事一担担，态度完全系赶客𠮶只。所以以后去酒楼，一定要睇清楚张单。尤其是系呢间龙宝。