薩莉亞意式餐廳 (喜薈商場)

营业中

休息中

放工肚饿想食d唔洗等咁耐既野食，大概7.30入去唔洗等位，餐厅亦唔满，仲有位剩。两个人被安排坐2人位，左右两边系2人台同4人台。我地叫左5个小食1个pizza，叫完之后隔离4人台走左，我地就问可唔可以转过去，个个职员都话：要问另外个同事。d野食开始上，台开始唔够摆，餐厅仍然有位剩，隔离张4人台仍然无人，我地再问可唔可以转过去，问左几个人之后答案系唔得因为已经叫左野食。之后d野食继续上，后上既野食要摆系隔离张4人台，但系仍然唔俾我地坐过去，其实已经问左起码4-5次，位姐姐都系好恶地话唔可以转台，只可以'摆住d野食系隔离台'，但系唔可以坐过去。切pizza切唔到，夹野食都要隔条河，好似偷紧隔离台d野食咁。最后要同经理投诉先可以坐张4人台，经理见到呢个情况即刻同我地转台，当时餐厅内仍然有位剩。食物味道同其他分店差唔多，但系员工态度完全接受唔到，下次唔会再去呢间分店。