泰鳩

营业中

休息中

叫咗3样嘢食 分别系生菜包肉碎、冬阴功猪颈肉炒饭同芒果糯米饭。先讲第一样嚟到生菜包肉碎，啲菜洗得唔干净，上面好多黑色污糟要自行清理。第二样嚟到系冬阴功猪颈肉炒饭，炒得唔均匀，一啖好咸好酸，一啖冇味咁。食完生菜，呢个炒饭都等咗十几分钟先嚟到。第三样系芒果糯米饭。食晒前面两个 再等咗最少20分钟。期间向店员查询过三次。因为第一次嚟食唔知甜品使唔使再叫佢上。第一次就问 使唔使而家叫上，有个黑色衫嘅男同事讲嘢大大声声话 落咗单就会嚟㗎啦。再等多一阵都已经有啲唔耐烦，坐户外根本冇员工会行过。再一次见到头先黑色衫嘅男同事。向佢查询多一次，佢话 嚟紧再等多一阵。都系未嚟。开门入去揾另一位长头发男同事查询。佢同我讲 你自己望吓吧枱𠮶度 整紧啦 1分钟送到俾你。跟住我等多5分钟，终于见到芒果糯米饭。份量细细碟。计埋+1要80几蚊，一啲都唔值，而且唔特别好味。第一次嚟试吓食呢间嘢，自问每次同店员讲嘢都好有礼貌，对今次用餐好失望。