影片
更多
2024-07-17
191 浏览
恶劣之极，第一次食评送比呢间餐厅🙌同同事A点咗两款水饺，短头发阿姐出菜个阵嗌咗A𠮶款水饺，我哋拎咗之后，过两分钟，再出水饺B比我。食食吓，开始发觉大家两款调转咗。于是同阿姐讲出菜嗌错咗次序，所以我哋拎错咗，可唔可以换过份。回应精彩了：「你唔好屈我呀！明明系你哋自己调转咗」（我哋三个人一定会一齐听错啦）「我无错㗎，你哋自己搞翻掂佢」「食𠮶几十蚊野，又呢样又𠮶样」呢个时候，有个唔知系咪女老板嘅人出黎打圆场，话换过另一份啦，最紧要大家食得开心，又话自己间铺开咗四十年啦，历史好耐之类，以后继续黎帮衬啦。至于短发阿姐就继续出佢其他菜。我哋系都息事宁人无特别讲咩。但我真系觉得好离谱，好声好气咁讲，有咩唔合理大家可以讲道理讨论，但对方即时反应系大声串翻客人，而且语气真系非常差！睇翻食评，发觉呢间舖态度差唔系单一例子，如果早睇咗知道，绝对唔会帮衬。写呢个食评，除咗希望feedback翻比会预先上openrice揾湾仔野食的大家，仲希望店主睇到可以认真检讨一下员工嘅服务态度，please！ 野食方面，无乜特别，正常水饺味皮偏厚。不过好唔好食都好，态度差极倒米。
同同事A点咗两款水饺，短头发阿姐出菜个阵嗌咗A𠮶款水饺，我哋拎咗之后，过两分钟，再出水饺B比我。食食吓，开始发觉大家两款调转咗。于是同阿姐讲出菜嗌错咗次序，所以我哋拎错咗，可唔可以换过份。回应精彩了：
「你唔好屈我呀！明明系你哋自己调转咗」（我哋三个人一定会一齐听错啦）
「我无错㗎，你哋自己搞翻掂佢」
「食𠮶几十蚊野，又呢样又𠮶样」
呢个时候，有个唔知系咪女老板嘅人出黎打圆场，话换过另一份啦，最紧要大家食得开心，又话自己间铺开咗四十年啦，历史好耐之类，以后继续黎帮衬啦。至于短发阿姐就继续出佢其他菜。我哋系都息事宁人无特别讲咩。
但我真系觉得好离谱，好声好气咁讲，有咩唔合理大家可以讲道理讨论，但对方即时反应系大声串翻客人，而且语气真系非常差！睇翻食评，发觉呢间舖态度差唔系单一例子，如果早睇咗知道，绝对唔会帮衬。
写呢个食评，除咗希望feedback翻比会预先上openrice揾湾仔野食的大家，仲希望店主睇到可以认真检讨一下员工嘅服务态度，please！
野食方面，无乜特别，正常水饺味皮偏厚。不过好唔好食都好，态度差极倒米。
张贴