影片
更多
2021-04-09
243 浏览
刚刚搬屋入嚟油麻地第一日，见到附近有间川菜觉得几吸引就入咗去，点知待遇真系令人有啲唔舒服-一、推跌餐具落枱就走人首先入去坐无人理都唔紧要，隔一阵有一个短发女店员拎咗两份杯碗餐具嚟，随手一推就瀡过嚟，筷子跌晒落枱面，短发女店员就头也不回走咗去-二、粒声唔出拎走餐具，问佢就俾说话你听睇完餐牌之后想叫餐，但全店好似得刚才位短发女店员同一个发及肩颈嘅女店员企喺收银位，我叫咗一声「唔该」，喺收银嘅女店员继续耷低头话：「你讲啊我听到」，然后我落咗单之后，佢粒声唔出走过嚟收走咗刚才俾嘅碗。-我第一下呆咗一呆，就问：「咦做咩事？」，佢就好无气咁话：「你唔系要食饭咩？你唔食我冇所谓㗎～」-我个刻真系有啲O嘴，你拎走客人枱面嘅野之前系咪都可以讲一声啊⋯⋯你唔讲咁我问，你又串柒柒咁-我个餐系有白饭，但我第一次出街叫白饭系要拎走我本身个碗，而唔系直接滗一碗过嚟，都唔紧要，想问你你又串咁样真系好难搞😅-最后公道讲句，呢间川菜味道唔算好突出但其实不差，10分满分我俾6分，价钱都算OK，但态度方面真系有啲却步
刚刚搬屋入嚟油麻地第一日，见到附近有间川菜觉得几吸引就入咗去，点知待遇真系令人有啲唔舒服
-
一、推跌餐具落枱就走人
首先入去坐无人理都唔紧要，隔一阵有一个短发女店员拎咗两份杯碗餐具嚟，随手一推就瀡过嚟，筷子跌晒落枱面，短发女店员就头也不回走咗去
-
二、粒声唔出拎走餐具，问佢就俾说话你听
睇完餐牌之后想叫餐，但全店好似得刚才位短发女店员同一个发及肩颈嘅女店员企喺收银位，我叫咗一声「唔该」，喺收银嘅女店员继续耷低头话：「你讲啊我听到」，然后我落咗单之后，佢粒声唔出走过嚟收走咗刚才俾嘅碗。
-
我第一下呆咗一呆，就问：「咦做咩事？」，佢就好无气咁话：「你唔系要食饭咩？你唔食我冇所谓㗎～」
-
我个刻真系有啲O嘴，你拎走客人枱面嘅野之前系咪都可以讲一声啊⋯⋯
你唔讲咁我问，你又串柒柒咁
-
我个餐系有白饭，但我第一次出街叫白饭系要拎走我本身个碗，而唔系直接滗一碗过嚟，都唔紧要，想问你你又串
咁样真系好难搞😅
-
最后公道讲句，呢间川菜味道唔算好突出但其实不差，10分满分我俾6分，价钱都算OK，但态度方面真系有啲却步
张贴
