荷里活冰室 (荔枝角道)

营业中

休息中

一开张就开始帮衬，经常会光顾食早餐及下午茶，现在食物品质已经大不如前，但最恶劣系员工态度。今日早餐，未有人排队，亦已经落单，等等下早餐突然要我起身转枱，并且系与人搭枱。其实只系想星期六早上安安静静食个早餐，当时餐厅亦唔系好多人，起码唔系需要搭枱。跟住员工仲话，如果系熟客，就应该接受要搭枱！！我唔清楚呢啲系乜嘢理论，如果有三五个客等紧枱，我可以接受，但当时其实冇人等紧枱。食个早餐，其实系20分钟嘅事，有冇必要大费周章？茶餐厅，食嘅除咗系食物，仲有嘅系人情味。如果你系有礼貌，希望谅解，我可以将个早餐打包，下次再来。现在，毫冇人情味可言，熟客如我，亦要以字公告一下。