翠豐冰廳

营业中

休息中

见新开，食饭多个选择，本来双赢。点知遇著个黑面侍应，都几无瘾。坐底都9:30am ,入到去吉位大把，侍安排我坐单人卡位。点知一坐底就觉得冻，原来头顶有几把风扇。天气岩岩转凉，冷气加风扇真系顶唔住，见窗边有位就调过去。侍应呀姐就好话我调位。同佢解释冻，问佢风扇可唔可以唔熄，又扮听唔到。然后”那翻揸沙”话多人要搭枱，我应佢好呀，多人未搭。再问拎杯水想话好忙，叫我自己斟，望天花又唔见自助水吧字眼。有客入真系想叫佢搭我枱，人地见半间吉位，睬你都胶，真系小家到死。其实都过左繁忙时间，洗唔洗咁执著砌砖式安排座位？我食完十分钟都闪人啦，唔洗做咩！？讲番个早餐，其实麻麻地。只蛋又唔系即煎，食落冻既。除左牛肉奄得入味，其他野卖相，味道一般以下。间野留番比隔离酒店，贪方便食个饭既客吧。