影片
更多
2022-06-25
438 浏览
本身同屋企人食生日饭。之前食过几次都可以，所以拣咗呢度因为环境都OK。入到餐厅，Reception个小妹妹态度应该系成餐饭入面最好的一个员工。有帮我哋整安心出行同埋扫针卡。之后坐低我哋就点𩠌。叫咗一支酒和八个𩠌，系一位比较年长嘅部长姐姐帮我哋点菜。一开始态度都可以，我叫左8个𩠌之后，姐姐系咁推荐我哋食海鲜，本身对海鲜敏感的我一向都唔食。姐姐推荐左2个海鲜我都拒绝咗，同埋都有表明唔食海鲜。之后去推荐第三个蟹钳，我都唔好意思推迟所以叫抽，谂住俾屋企人食。之后姐姐就西口西面。直到上菜𠮶度，头三个上得好快，二个前菜一个烧鹅，之后都满心期待。点知第四个菜相隔左半个钟都未上。但系佢哋有另外一个同事就俾咗牙签我哋，意思即系想赶我哋走？之后就揾返我个部长姐姐，同佢讲我哋有几个𩠌都话仲未上。佢用好西既语气同我讲跟紧。我心谂佢应该同厨房𠮶度神交紧，所以可以直接覆我跟紧 。之后再过10分钟上第四个𩠌。点知隔离𠮶台，我哋食到一半先入座都上齐晒𩠌。𠮶阵时我啲屋企人已经有少少不满。之后有个送中送错咗去隔离𠮶台谂住攞返俾我哋食。我望咗一望个服务员，佢先拎去厨房重新整过。成个食饭过程都系一肚火。楼下大排档质素都好过佢
张贴