Mee...lemongrass (彩園廣場) (已結業)

彩园广场翻新左之后，多咗好多食肆，见到呢间泰国嘢，想试好耐，今次终于得闲过嚟试吓！呢度嘅嘢食种类都好多，有各式各样嘅泰式小食粉面，真系花多眼乱！拣咗马拉盏炒通菜同埋马拉盏炒秋葵，普遍嘅都系马拉盏炒通菜，秋葵真系好少见，所以就嗌黎试吓，点知都冇令我失望，好入味好好食炒得刚刚好！比通菜更加特别！正！仲有无骨酸辣凤爪沙律，唔算好辣！味道都唔错。店员仲介绍咗地道串烧，有牛同有猪，食得出系刚刚烤出嚟，好好食，店员果然冇介绍错！而芒果糯米饭份量都唔少，不过味道就普通，冇乜惊喜！值得一赞嘅系呢度嘅服务态度真系好好，员工好乐意介绍唔同种类嘅美食俾你选择，啱晒啲选择困难症嘅人！