高興 (已結業)

本来见之前朋友黎过话几好食😋 谂住黎朝圣下朋友仲早左一个星期多前预订4人枱，仲指明话要墙边嘅枱，果个靓位可以打卡影相。间店仲话ok,会留果边嘅位俾我地，留枱15分钟，用餐90分钟。点知我地果日准时到达 就见到有人坐系果张枱 ，个店员就话我地未齐人。但我地系可以坐住先，米照计90分钟之后个A店员就话我地预约左嘅果张枱要迟多半个钟先有，就安排我地坐住门口位先。点知半个钟过啦，佢地根本无谂过俾番果张枱我地！我地再问另一个B店员，佢就话果张枱啲人岩岩先开始用餐俾唔到我地。WTF,真系想讲粗口，咁我地准时到你就俾左张枱人咁订枱嘅意义系边？仲要系指明，唔指明得你当初我地订枱就唔好话ok la. 之后我地同B店员理论，个B店员差到仲屈我地态度差，叫我地冷静。我地发现佢地店嘅订枱牌上面果张枱都系写住我朋友个名。个B店员先话系隔离开多一张枱俾我地坐。理亏左一句sorry都无我地仲要等多左成半个钟。仲要果到根本无咩位置开多张枱，之后我地决定走人，服务态度差，订左枱又俾左我地张枱人仲要无道歉，就算食物质素几好都无用啦，你啲员工态度咁差，环境吵到成间大排档，而唔系cafe嘅宁静环境。间店令到客人一啲都唔高兴。