紅茶冰室

营业中

休息中

5:30尖沙咀收工，听讲红茶嘅芝士挞都唔差，所以经过顺便去食埋晚餐，都抱住少少期待去食，最后用餐经验有D不如预期，主要喺员工嘅服务态度度。首先讲左食物先，今次叫左鳗鱼炒饭同一个芝士挞。鳗鱼炒饭几开胃，起码每啖饭都可以连鳗鱼一齐食，唔会话得几粒仔，配料都算丰富，摆上台都系热辣辣，散到阵浓郁香味出黎，同埋份量系绝对够饱，系合格嘅炒饭。芝士挞方面，出名真系有原因，佢个外层系真系酥脆嘅，揾只叉轻轻吉下就吉到，入面嘅奶香味都好浓郁，每一啖都食到个满足感，不过建议唔系好肚饿就要睇住嚟叫，因为食完一个都饱饱地架！好啦终于讲到服务果边，尖沙咀红茶方店都算大，一眼睇其实员工唔算少，果阵我一个人排队入座，但员工姐姐就咁叫一叫我坐果边，眼见得一张卡位冇人，于是坐低左，跟著俾人大大声叫唔系坐呢度呀，坐番果边，先知原来要去番另一边，希望下次姐姐指一指我睇都好。另下就系收碟速度真系好快，我食完最后果啖就一野拎走左了所以除左服务方面会令人觉得有D冇礼貌之外，其他都正常。