正品蕃茄湯麵店

营业中

休息中

以前食过呢间餐厅几次，觉得蕃茄汤几浓、食物质素不错，今日经过附近所以想再食多次。入到餐厅见2位操乡音女员工正在工作，我同老公自动自觉填表、搓手等（未有任何量体温仪器），见员工有望过我哋几次，但等咗阵都未见有任何招呼，又唔讲等等/ 埋去坐🌝 令我哋企在门口唔敢埋位坐。之后员工久久唔帮手落单，我哋落单要个腐皮蕃茄汤面时佢大声问咩汤底（见图系蕃茄汤），我哋答：唔系蕃茄汤来咩？个楼面就大力指住兼大大声劲恶问：咩汤底？？我哋当然答系蕃茄汤啦。跟住再落野饮，明明叫「冻柚子蜜」，佢仲答多3次要冻定热？态度又恶劣，嗌完一野拔走个餐牌去。就算啲食物质素唔差，但服务态度可否正常少少？无得罪你下嘛？最后埋单楼面仍黑口黑面，一句说话都唔讲，收完钱就算。