風雲丸

营业中

休息中

见朋友啲相石锅好似好吸引所以特登黎试。点知极失望，失望到第一次写食评。1. 员工质素差不专业全舖六七个大妈，煮面厨房又系大妈，谭仔话都算，不停喺度大叫投诉倾计。成间铺净系听到佢哋讲嘢。入面厨房个阿婶”P”大声到返工间表、点样切柠檬、边个做嘢衰，我都听到晒。厨房阿婶出嚟又拉低个口罩，着住洗碗围裙喺成间舖面行。不停喺我地隔篱枱写嘢、订货、入樽。真系冇谂过食日本过江龙拉面店都可以咁唔专业，我以为食紧谭仔。去谭仔食至少冇期望，唔会失望人地服务质素差。2. 沾面冇葱放沙律菜谂住大妈都揾身返工，至少食物质素希望至少可以。冇谂过沾面上面葱，竟然系沙律菜？！！鱼介汤由得个咸字，面质又普通。香松饭都只不过系味素饭，饭质又唔系特别好。3 冷气完全唔凉天时暑热30几度间舖都可以冇冷气嘅。仲要食咩石锅汤底，食完个人湿晒。唔期待香港可以做到人哋日本一丝不苟嘅服务态度同食物质素，但至少都唔希望咁嘅价钱系食茶餐厅版拉面。