錦麗 (世貿中心) (已結業)

今日去铜锣湾分店帮衬，见到堂食优惠有个加25蚊下午茶小粉，原来要叫左一碗正价 另一碗先25蚊，上枱份量有d小，不过仲送左两杯柠檬饮品。食到一半，突然水吧掉左两个胶水壶出黎地下，好大声，差少少弹到我地枱，好彩入面无水。然后个侍应就同水吧个男员工对闹，男员工仲闹左啲几难听嘅说话同粗口，事后有个着蓝色裇衫既男员工，估计系经理，去同水吧个男员工理论，点知个水吧男员工一样照闹。虽然都系食下花生，不过食食下野比人吓亲已无咩胃口，好快就埋单走人。原本对贵公司印象都唔错，不过喺教育员工方面应该要再加油。p.s 水吧男员工都几高大，带黑色口罩，做野有啲慢，野饮等左好耐都未有。