蓮香樓 (已易手) 新餐厅

喺香港要食特色点心既地方越来越多，有新餐厅更加做到中西合璧又或者可以望住无敌大海景食点心，但保留到传统"推车仔"式既点心店，真系寥寥可数。凭印象中仲保留抢点心呢个特色既应该有中环既美心皇宫、旺角既伦敦大酒楼、荃湾既川龙茶楼同中上环既莲香。好耐无感受抢既快乐，所以都忍唔住黎感受一下。蓬香既知名度真系扬名海外，所以每次都可以见到外国人同好多中国游客，咁当然，老一辈既香港叔叔都占好大部分。两个人黎食，搭枱当然无可避免，另外茶位可以拣单人或者一壶壶既茶，如果你系冲茶新手，我劝你都系要一壶壶既茶，如果唔系抹枱都有排抹。戏肉黎喇，要食好西，当然要够醒目望住点心姐姐架车既落脚点同埋够快冲出去，一定要围到架车隔离/点心姐姐附近先抢到食物！我今次就好好彩抢到好多正野！最好食既系马拉盏同虾饺，马拉盏SIZE好啱女孩子食，因为份量细，甜度适中又软熟，虾饺虽然未算好薄皮，但虾既份量好多而且弹牙，以传统老店黎讲几唔错。不过我最想食既千层糕今次就无缘食到，又有动力下次再去！