Outback Steakhouse (銅鑼灣廣場一期)

营业中

休息中

三個人叫咗美國頂級紐約牛扒拚加拿大龍蝦尾，燒美國帶子煙肉白汁燴飯（以上係餐）同燒加拿大帶骨黑毛豬扒。應該不論你叫咩都會得到兩個黑糖包，我最鐘意就係佢個黑糖包，熱熱地口感又好，唔會成陣風，食落好煙靭。牛扒就一如以往地好，啲牛味幾出色，五成熟鐵板上到嚟應該多過五成，中間仲有少少紅，但唔會有血。我估如果叫七成上到嚟好有可能會好熟。隻龍蝦都幾彈牙但有啲細隻。美中不足係佢個鐵板無標配薯仔。豬扒唔知點解個侍應問我要幾成熟，反正我答咗佢全熟，食落都鬆化，唔會好實。最唔好食就係燒美國帶子煙肉白汁燴飯。覺得太濃味了，應該係落足咗牛油，隻味飽飽滯滯咁，帶子口感幾好但無咩鮮味。當日人唔多，服務都不錯。下次仍會幫襯，但就專心食扒了。