秋香 (黃金海岸商場) (已結業)

今日特登同朋友黎到黄金海岸，除咗欣赏一下屯门既日落晚霞🌅，仲有到访颇有名既「秋香」㊗️。一直都好想食佢大名鼎鼎既煲仔饭，今日终于可以一战啦！🤩餐厅环境布置别出心裁，到处都可以比食客「打卡」！中国古代装修🏮，木色窗框和横梁🪟，配衬纱帘同玻璃花纹嘅灯🔮，加上悬吊的清酒和威士忌酒樽🍾，光影成趣。唐伯虎成功令屯门点上一些趣味🥳前菜方面：威士忌烧蚝🦪，系餐厅其中一样推介嘅招牌菜，鲜甜烧蚝配上浓烈威士忌，系一个唔错嘅配搭。日式吉列广岛蚝🔥，炸得外脆，蚝汁锁紧，食到啖啖蚝味。秋香黄金粟米沙律🌽，我最喜欢呢道菜，用心制作。香甜既粟米配上邪恶既明太子沙律酱，味道层次更上一层楼，下面配番沙律菜🥗，减轻肥腻感，又增加返健康嘅元素。串烧🍢：烧鸡翼🐤，即刻谂起周星驰既「烧鸡翼，我钟意食」😆芝士鸡肉丸🍡，咬落爆左啲芝士出黎，好滋味呀～😛盐烧白鳝煲仔饭🐟🍚，重点来啦！卖相吸引，用小铁锅装住，又能达至保温效果。白鳝肥美，鱼油甘美，间中食到小碎骨，要小心；将中间既生蛋捞匀，每粒饭都沾满蛋汁、烧汁同鱼油；两者相得益彰。☺️总括而言，想系黄金海岸揾间餐厅chill下，食吓串烧同煲仔饭，秋香会系唔错嘅选择🌞