唐宮小聚 (新城市廣場三期)

营业中

休息中

听讲呢到既乳鸽好抵食，所以黎呢到一试。环境几得意碗碟一如既往既特色。沙田乳鸽，原价HKD 177三只，堂食有优惠HKD 39一只。都几热辣辣，唔算超多肉但可接受，呢个价钱算几抵。煸四季豆，HKD 89。全晚最好食系呢碟，豆角同猪肉都好入味，必点，推荐！水煮鱼春卷，HKD 59。我只可以话佢系一个几有特色嘅点心，一咬落去里面啲麻辣汁就会爆出黎，好浓郁嘅水煮鱼香味，要小心啲食如果唔系会搞到周围都系，里面又真系有一旧鱼。不过我自己食开咸/甜嘅春卷，唔系好适应呢只味，反而同行嘅友人好钟意食。大肚婆炒饭，HKD 109。纯粹系用嚟填饱个肚，冇乜特别。有四只虾、少少葱花、超级无敌少既蛋碎，肉松、超级无敌少嘅蟹柳。可爱南瓜，HKD 39。食完饭就食甜品啦，入面系豆沙馅，佢嘅表皮类似汤圆，但系唔弹牙的，比较黏牙，不过不失咁啦。原价HKD 520埋单，不过乳鸽有个折扣同埋如果down 佢个app 都有优惠券，所以埋单四百几蚊。