燒夜食堂 (已結業)

打完波想同friend 食少少野倾下计，于是去左呢间串烧店，叫左个二人餐加啲小食。二人餐$438, 包左好几款串烧同埋两杯饮品二人餐一共有八款食物，有烧赤海虾，扇贝，明太子鸡翼，猪肉，牛肉，鸡肉，冬菇同鸡软骨整体嚟讲食物质素都几唔错，大部分嘅串烧都好香。推荐扇贝系必食既，鲜味十足！另外烧唐心蛋都系，第一次见，流心效果十足，外层又有香料，超特别！明太子鸡翼炸得啱啱好，外层香脆，入面又有劲多明太子，鸡翼都好juicy；烧牛肉同猪肉都有加埋葱，非常惹味；鸡肉鲜嫩多汁。比较遗憾系鱿鱼卖晒，无得试！