丼丼屋 (德福廣場) (已結業)

好耐冇过嚟荷里活，咁啱知道最近有个小型书展系度搞，一于趁星期五收工过嚟睇下！由于晚市时间，间间餐厅都咁多人，见之前未食过呢间就入嚟试下啦！排左都有半个钟，我地两个人就被安排坐系吧台既位置。吧台位置冇地方可以放袋，但等左咁耐时间都唔早就决定拿拿临食完算（点知后尾见到职员自己帮其他客人拎个篮俾佢地放袋先知原来得我地冇位放）。职员放下menu就行开左。我地叫左个唐扬鸡丼配温泉玉子，啲鸡块有甜酸酱包住，入面又炸完都好juicy唔会干争争，配埋温泉玉子捞饭食超正！另外仲叫左个牛肉泡菜丼，味道同一般吉野家牛丼一样，但冇牛汁，搞到啲饭有啲干，净系可以捞泡菜食下，感觉一般。我地加钱叫左个刺身定食，刺身味道唔错但份量有啲少，食完唔够喉😅鸡丼可以再战但牛丼就不了😅饭量都几多下，食唔晒超饱。