Made in HK Restaurant (已結業)

最近趁假期同屋企人去行吓商场，嚟到APM食好西，屋企人钟意食传统港式菜式，我就钟意食快餐，今日行行吓竟然见到一间港西fushion餐厅，就决定入去食返餐😎餐厅装修会特别有心思，富有唐楼特色既室内布置，又有西餐厅叫情调，难怪门外有咁多人排队。听闻呢度嘅扒类质素甚高，所以特别点左两件威灵顿肉扒，三文鱼同牛肉各一，同时提供两款威灵顿肉扒嘅餐厅少见，似乎系拿手菜式㖞。一上枱，酥皮的牛油香气扑鼻来，加埋精致嘅卖相，真系令人流晒口水。个人最怕酥皮菜式太油腻，点知一切开见到酥皮不但够薄够脆，而且牛油香味点到即止，厨师喺调较粉浆同烹调时间方便明显有落过功夫。三文鱼肉质够嫩，因为有酥皮包围着，成功锁住肉汁，令到鱼嘅鲜味好好保存系中间，调味简简单单就已经食到鱼肉嘅真味道，配埋忌廉习草酱汁，整体配搭甚佳。虽然个人钟意三文鱼多啲，但威灵顿牛肉也不错，虽然店员冇问我地想要几成熟，但上枱见到牛肉中间仍然呈粉红，咬落都几软熟，亦都几juicy。威灵顿扒餐配送蒜蓉意粉，意粉质地弹牙，食完成个餐包你够饱。最后以一个细细地嘅意大利芝士蛋糕作结，贵少少但系都有质素嘅，蛋糕质地湿润，口感松软，渗透咖啡香味，不妨一试。