唐記包點 (港鐵青衣站)

营业中

休息中

一向都钟意食糖记，价钱超抵，食物水准OK，可惜系用发泡胶盒，所以都尽量少食。今次叫咗客饭，系用胶盒嘅，好似好少少。今日食咖喱鸡饭同埋猪软骨饭。咖喱鸡辣辣地，好惹味，鸡肉都有好多件，绝对饱肚。猪软骨客饭都好好味，大大件肉，啖啖肉，啱晒我。加咗两蚊要一盒仔菜，真系超值！自己买都唔得啦。两个人食加埋先$70，真系非常抵食！难怪成日都排好多人喺出面等攞食物，其实佢啲点心都好好食，又平又多选择，下次会再叫其他食物。