影片
更多
2024-02-29
313 浏览
好几个月前朋友黎食过话好难食，佢当时食XO酱凉瓜牛肉饭，入口唔辣不特止，仲要系甜嘅，不伦不类😂是日经过见佢有客，心谂比多次机会佢啦。⭐口水鸡饭朋友今次试口水鸡，呢个餐唔包餐饮，价钱$58都合理嘅。上到枱卖相正常，伙记仲比多只碗做骨碟。点知食落除左两件鸡脾肉外，其他全部系鸡转弯，佢咁讲我仲唔知系咩黎，上网search下原来鸡翼个L位真系叫转弯，哈哈，长知识了🤣点解一碟口水鸡会有8件转弯位，其他啲鸡件去左边呢？口水汁味道系正常嘅，只系碟鸡无肉食啫。⭐窝蛋免治牛饭自己点左窝蛋牛饭，同样$58呢个有餐饮，卖相奇怪，饭同酱分开上😂唔知只蛋系咪生食用，虽然都唔觉得系，正所谓叫得呢样就预左有风险，至少食完无肚屙。个肉酱其实味道都ok嘅，但洋葱、香叶等调味全部欠奉，系一个茄汁肉酱啰，加上味道偏淡，落啲辣椒油撘救下。⭐热柠茶 & 阿华田全餐最正常嘅野，但叫热柠水比左热柠茶，算啦。餐厅格局、餐牌、食物款式都好国内，其实佢唔做港式茶餐厅会唔会好啲？食物未至于难食到入唔到口，但个人黎讲就无下次了😂
⭐口水鸡饭
朋友今次试口水鸡，呢个餐唔包餐饮，价钱$58都合理嘅。上到枱卖相正常，伙记仲比多只碗做骨碟。点知食落除左两件鸡脾肉外，其他全部系鸡转弯，佢咁讲我仲唔知系咩黎，上网search下原来鸡翼个L位真系叫转弯，哈哈，长知识了🤣点解一碟口水鸡会有8件转弯位，其他啲鸡件去左边呢？口水汁味道系正常嘅，只系碟鸡无肉食啫。
⭐窝蛋免治牛饭
自己点左窝蛋牛饭，同样$58呢个有餐饮，卖相奇怪，饭同酱分开上😂唔知只蛋系咪生食用，虽然都唔觉得系，正所谓叫得呢样就预左有风险，至少食完无肚屙。个肉酱其实味道都ok嘅，但洋葱、香叶等调味全部欠奉，系一个茄汁肉酱啰，加上味道偏淡，落啲辣椒油撘救下。
⭐热柠茶 & 阿华田
全餐最正常嘅野，但叫热柠水比左热柠茶，算啦。
餐厅格局、餐牌、食物款式都好国内，其实佢唔做港式茶餐厅会唔会好啲？食物未至于难食到入唔到口，但个人黎讲就无下次了😂
张贴
