南小館 (青衣城2) (已結業)

今日約咗個朋友喺青衣城睇戲 睇之前就搵間餐廳食個lunch先啦 嚟咗呢間南小館😬喺門口見到午市套餐價錢都幾合理就入咗嚟食啦 見到有poster寫住憑即日戲飛係有八五折㗎 不過因為我地叫套餐 就冇優惠啦🤧佢嘅午市套餐有分麵點同小菜 我見小菜嘅款式大多數都係辣嘅 但係我朋友唔係好食得辣 所以就揀返麵餐啦我叫咗老重慶擔擔麵 我食開嘅擔擔麵都係重芝麻醬或者花生醬多啲嘅 但係因為佢呢個係老重慶風味啦 湯底就完全食唔到芝麻味 反而有少少酸辣感覺🙊我朋友叫嘅酥燘紅燒牛肉湯麵 牛肉嘅份量好多 都好大嚿 但係湯底又係略帶一種唔太熟悉嘅牛肉麵湯底味😅點心方面我地揀咗鮮肉小籠包 同 金網生煎窩貼 即使未點醋 小籠包嘅肉食落都係比較酸 而窩貼嘅餡食落就好實淨整體嚟講 麵同點心嘅質素係唔錯嘅 不過就可能有啲味道就唔係我食慣嘅口味啦😂