更多
2019-09-11
223 浏览
今日约咗个朋友喺青衣城睇戏 睇之前就揾间餐厅食个lunch先啦 嚟咗呢间南小馆😬喺门口见到午市套餐价钱都几合理就入咗嚟食啦 见到有poster写住凭即日戏飞系有八五折㗎 不过因为我地叫套餐 就冇优惠啦🤧佢嘅午市套餐有分面点同小菜 我见小菜嘅款式大多数都系辣嘅 但系我朋友唔系好食得辣 所以就拣返面餐啦我叫咗老重庆担担面 我食开嘅担担面都系重芝麻酱或者花生酱多啲嘅 但系因为佢呢个系老重庆风味啦 汤底就完全食唔到芝麻味 反而有少少酸辣感觉🙊我朋友叫嘅酥燘红烧牛肉汤面 牛肉嘅份量好多 都好大嚿 但系汤底又系略带一种唔太熟悉嘅牛肉面汤底味😅点心方面我地拣咗鲜肉小笼包 同 金网生煎窝贴 即使未点醋 小笼包嘅肉食落都系比较酸 而窝贴嘅馅食落就好实净整体嚟讲 面同点心嘅质素系唔错嘅 不过就可能有啲味道就唔系我食惯嘅口味啦😂
喺门口见到午市套餐价钱都几合理就入咗嚟食啦 见到有poster写住凭即日戏飞系有八五折㗎 不过因为我地叫套餐 就冇优惠啦🤧
佢嘅午市套餐有分面点同小菜 我见小菜嘅款式大多数都系辣嘅 但系我朋友唔系好食得辣 所以就拣返面餐啦
我叫咗老重庆担担面 我食开嘅担担面都系重芝麻酱或者花生酱多啲嘅 但系因为佢呢个系老重庆风味啦 汤底就完全食唔到芝麻味 反而有少少酸辣感觉🙊
我朋友叫嘅酥燘红烧牛肉汤面 牛肉嘅份量好多 都好大嚿 但系汤底又系略带一种唔太熟悉嘅牛肉面汤底味😅
点心方面我地拣咗鲜肉小笼包 同 金网生煎窝贴 即使未点醋 小笼包嘅肉食落都系比较酸 而窝贴嘅馅食落就好实净
整体嚟讲 面同点心嘅质素系唔错嘅 不过就可能有啲味道就唔系我食惯嘅口味啦😂
张贴