影片
更多
2021-10-16
1659 浏览
好味指数😋😋😋回头指数 ⭐️⭐️开心指数🤗🤗呢间店，成日路过都见到大排长龙，网上食评D人都写得几好，就嚟试下！虽然系午餐时间，但呢度系冇午餐menu 嘅，所以午餐同晚餐嘅价钱系一样嘅～🍴火山排骨（细$138）呢个系每个食过嘅人都推介，当然要试下啦！我哋叫咗细份嘅，嚟到见到都几大份，有成6旧！排骨煮到骨肉分离，肉质唔错，好淋又唔嚡口，当中嘅软骨同根都可以食埋！个汤汁有大量嘅葱，酸酸咸咸带少少辣味，都几惹味！真系几值得食嘅，不过就唔系好够热，只系暖暖哋！🍴马沙文咖哩猪肋骨（$168）呢个都几大盘，有5大旧猪肋骨，个咖哩汁好正，因为有椰奶同椰糖煮嘅，成个汁好香，所以都叫咗个油酥饼同白饭捞汁食，一流！猪肋骨亦都系煮到骨肉分离，一咬就轻易食到D肉，好味！不过都系唔够热～🍴精选拼盘（$188）春卷有两大条，味道好惹味，系成个拼盘最好味嘅！炸鱿鱼，个炸皮好厚，同埋似摆耐咗有少少硬身，唔掂！沙嗲鸡串烧，鸡肉有少少嚡口，似整咗响度放咗好耐嘅感觉，已经暖到D肉干晒咁，唔掂！炸鱼饼，冇炸感，肉质好松散，一般！大虾米纸卷，正常发挥！成个拼盘嘅败笔位系全部嘢唔似即整，似整好咗放响热灯下暖住嘅状态，到你叫嘅时候夹出嚟
回头指数 ⭐️⭐️
开心指数🤗🤗
呢间店，成日路过都见到大排长龙，网上食评D人都写得几好，就嚟试下！
虽然系午餐时间，但呢度系冇午餐menu 嘅，所以午餐同晚餐嘅价钱系一样嘅～
🍴火山排骨（细$138）
呢个系每个食过嘅人都推介，当然要试下啦！我哋叫咗细份嘅，嚟到见到都几大份，有成6旧！排骨煮到骨肉分离，肉质唔错，好淋又唔嚡口，当中嘅软骨同根都可以食埋！个汤汁有大量嘅葱，酸酸咸咸带少少辣味，都几惹味！真系几值得食嘅，不过就唔系好够热，只系暖暖哋！
火山排骨
$138
25 浏览
1 赞好
0 留言
🍴马沙文咖哩猪肋骨（$168）
呢个都几大盘，有5大旧猪肋骨，个咖哩汁好正，因为有椰奶同椰糖煮嘅，成个汁好香，所以都叫咗个油酥饼同白饭捞汁食，一流！猪肋骨亦都系煮到骨肉分离，一咬就轻易食到D肉，好味！不过都系唔够热～
马沙文咖哩猪肋骨
$168
22 浏览
0 赞好
0 留言
🍴精选拼盘（$188）
春卷有两大条，味道好惹味，系成个拼盘最好味嘅！
炸鱿鱼，个炸皮好厚，同埋似摆耐咗有少少硬身，唔掂！
沙嗲鸡串烧，鸡肉有少少嚡口，似整咗响度放咗好耐嘅感觉，已经暖到D肉干晒咁，唔掂！
炸鱼饼，冇炸感，肉质好松散，一般！
大虾米纸卷，正常发挥！
成个拼盘嘅败笔位系全部嘢唔似即整，似整好咗放响热灯下暖住嘅状态，到你叫嘅时候夹出嚟咁，所有炸物都冇咗即炸嘅香脆口感，温度都只系暖暖哋，好似食buffet 𠮶D炸物嘅感觉，好失望！😞
精选拼盘
$188
10 浏览
0 赞好
0 留言
🍴招牌蟹肉腊肠炒饭（$138）
蟹肉份量都几少，个炒饭又系暖嘅，一D炒饭嘅镬气都冇，味道系唔错嘅，腊肠系好食嘅，如果呢个系招牌菜呢… 都几失望！
招牌蟹肉腊肠炒饭
$138
15 浏览
0 赞好
0 留言
🍴油酥饼（$30）
感觉有少少过重牛油味，令到油酥饼出现过甜嘅味觉，口感唔够酥脆！
油酥饼
$30
15 浏览
0 赞好
0 留言
🍴茉莉香饭（$18）
呢个系成餐饭最热嘅嘢，笑咗！
整体上系几失望嘅，样样嘢都唔似即叫即整，样样嘢都只系暖暖哋，搅到我觉得似buffet 夹返嚟嘅嘢食咁，有少少期望太高嘅落差！再睇清楚D 食评，原来好多人都写过佢D嘢唔够热嘅～ 😅
呢间餐厅唯一嘅好处系，坐得好舒服，卡位嘅间隔好够高，响疫情期间食得好安心！
张贴
