泰Grill (天晉匯)

唔计中国菜同日本菜，泰国菜都应该系香港最普遍同最受欢迎的口味之一。【泰 Grill】面积细小，店内甚至完全没有任何泰国特色，差点以为只是一间普通港式西餐厅。更加出乎意料地，员工完全没有一位地道香港人，全部都是东南亚国籍人士。假日午市套餐原条菠萝海鲜炒饭（$108）材料有虾球、鱿鱼及菠萝碎，再加上猪肉松及原条菠萝，即时联想起典型嘅港式泰国炒饭。不过，印象中喺泰国就未见过这款炒饭。饭粒炒得够香身、有少少湿，系典型嘅泰式炒饭风味。随午市套餐附送的冬阴功汤系非常标准嘅泰国口味，微酸劲辣，由外观至味道俱非常泰国风情；钟意泰国菜、又唔怕辣嘅话，一定要一试。肉碎生菜包（$82）又系做到了地道泰国风情的菜式，猪肉碎够辣、又有丰富香料味道。略嫌稍湿，如果可以炒得香口一点、收亁一些水份，风味会更佳。鸡中翼（$68）味道少少甜、少少辣，系典型泰式风味沙嗲酱；由于辣度很低，适合大部份香港人口味。只是鸡翼烤得未熟透，中心鸡肉仍然有点黏骨。虽然唔算好味，但部份菜式味道正宗；如果要求唔高，可以一试。