雪ノ下 (已結業)

同 c 睇完戏揾野食，因为喺戏院已经食左只热狗，所以最后决定食个甜品算。我哋最后去咗间c想试嘅 pancake。今次真系好好彩，去到唔洗等位，坐低无耐出面又开始排长龙，lucky! 因为无正式食个晚饭嘅关系，我哋叫左一个绿茶刨冰，一个原味 pancake 。佢个刨冰做得好好，所有冰粒都有绿茶酱，个味好浓，但系又唔会好涩。再加少少红豆蓉就会多一分甜味，多一个层次。最中间嘅冰系白色嘅，有牛奶味。整个配搭都做得好好。个Pancake 其实一啲都唔似 pancake 。 其实可以话佢系一个蛋糕。但系咩都好，佢最出色嘅地方系佢个蛋味真系好浓，好香。你可以加少少蜜糖等佢有少少甜味，不过唔好加太多，因为会盖过左个蛋香味。口感方面，佢真系似蛋糕多过 pancake 。好彩我哋两个人 Share, 因为佢都几厚身，几饱肚。