山頂餐廳酒吧 (已結業)

假期到中环行街，行到攰攰地，揾个地方歇歇脚，系中环自动扶梯侧陡峭的斜坡有间Peak Café Bar，开放式木质庭院门，入到去觉得地方好宽敞，楼底又高，冇压迫感，好relax，望住吧台后面挂喺墙壁上嘅装饰镜画，真系好似坐喺间民初大宅度。坐底即Order三杯饮品，Black Russian，Beer of the Month 同 Chi Chi ，当然唔少得加个下酒物，Chorizo Platter（西班牙风肠拼盘）啦﹗讲到品酒，我系门外汉，其实边只啤酒对我嚟讲都系冇分别；Black Russian饮落觉得苦中带有甜甜嘅咖啡味，而Chi Chi就涩涩地，似乎Black Russian好饮尐，但酒精成份就高好多喇。Chorizo Platter好够份量，有切肉风肠、烤香肠有薯茸垫底、配芥籽酱、仲有面包、沙律同Pickles，薯茸很松软，混有薯粒，油份少，似乎冇乜畀油捞过，较清淡同健康尐；切肉风肠辣辣地，略带醎，配面包就啱啱好；烤Chorizo带有香料嘅独特辛香，同薯茸一齐食真系好夹，加芥籽酱就会抢味，over咗喇，如果一个人食，真系好饱肚。