台風。R

营业中

休息中

天阴阴落雨天突然间好想食拉面，呢一种天气食一碗有汤暖笠笠嘅粉面系特别有温暖嘅感觉。台风拉面一直都有听朋友讲个质素好好就趁机会去试下。点咗浓厚蟹虾豚骨拉面，份量同配菜都系拣普通。铺头都有温馨提示佢哋普通嘅份量系比一般舖头多，实验证明系！我系正常食量嘅女仔，出街食嘢尽量唔浪费会洗碟果种，但系佢面𠮶份量真系多，食完之后差啲饱到有啲反胃。如果大家系细食嘅女仔，就可以拣"少 "。讲返拉面，汤底好浓郁，好香虾油味道， 但饮落好唔会一口都系油腻嘅感觉同埋无猪骨臭。面质系个人比较喜欢偏少少硬度，比较粗嘅面。如果下次去我可能睇下有冇机会要求要硬面。肉，唔系传统拉面舖圆碌碌一片片嘅酱油叉烧。佢系比较入口松软即溶嘅薄片，我个人其实比较偏好呢种。铜锣湾湾仔分店餐牌上嘅拉面都系全日供应，呢方面比起旺角店方便，咩时间都有得食拉面同沾面。