牛品台式火鍋

营业中

休息中

同男朋友周末一齐嚟牛品食佢哋嘅牛极品食到饱套餐，食完之后非常满意。食物种类繁多，肉类，蔬菜，台湾小食任食，食到饱为止，性价比超高嘅套餐。我哋拣嘅系番茄浓汤锅，成锅汤满满嘅番茄味，味道非常开胃，好适合做火锅放题嘅汤底。完成落单后，我哋嘅枱上就摆满咗好多台湾小食同火锅食材。🔘美国牛胸腹🔘美国顶级肩胛肉🔘西班牙栗饲猪五花🔘西班牙栗饲猪梅肉🔘新西兰羊卷肉肉色鲜艳，容易煮熟，食落更加鲜嫩多汁，肉喺吸收完番茄汤嘅精华之后，味道更加丰富，绝对系顶级嘅食材。🟡雕酒鸡件🟡盐酥鸡肉质软嫩嘅鸡肉经过精心炮制变得非常好吃，花雕酒鸡散发住浓郁嘅花雕酒味，非常香，而盐酥鸡口感酥脆美味，气味浓郁。烤椒皮蛋豆腐口感柔软好够味，整体嘅感觉非常清爽解油腻。食饱之后嚟啲haagen dazs做结尾，红丝绒芝士蛋糕味嘅haagen daz充满咗芝士香味，完美嘅饭后甜品。