影片
更多
2020-03-26
8885 浏览
疫情期间，应该减少外出聚餐，不过两个人就算唔出街食都会一齐食咖啦，唔好一大班人同唔好去太迫人既地方食都应该安全既，所以今日我地去左尖沙咀呢间鼎王麻辣锅食个late lunch。午饭时间都避埋，应该安全啦！不过其实我想讲大家一啲都唔需要担心，因为呢间鼎王麻辣锅既职员既卫生防护措施真系做得好足！首先，去到门口，职员会帮我地量体温，然后再用酒精搓手液搓手。入到去坐低之后，职员会俾张印有鼎王麻辣锅既褶纸俾我地包住个口罩，放好口罩之后，佢地又再会拎埋支酒精搓手液俾我地再搓手。到佢地讲解完点用部ipad点菜后，佢地会系我地面前消毒部ipad，令人感到佢地真系严谨到一个点。餐牌方面选择贵精不贵多，每个种类有啲野㨂，个人觉得可以接受，始终黎得呢度食就系想重质素，想食汤底同靓野食多过有一大堆选择但样样都普普通通。所以选择相对地比出面火锅店少亦都系十分合理。汤底有三个选择，酸菜白肉、麻辣或者鸳鸯锅，好明显系一定会叫鸳鸯锅，而个锅本身仲可以俾我地㨂酸度、辣度、少油等等。起初我地㨂左小酸小辣少油，食落觉得唔够力度，好彩醉同辣都可以之后再加番。个人觉得酸菜白肉要起码中酸先够，而麻辣就因人而异，我觉得如果你系有食
不过其实我想讲大家一啲都唔需要担心，因为呢间鼎王麻辣锅既职员既卫生防护措施真系做得好足！首先，去到门口，职员会帮我地量体温，然后再用酒精搓手液搓手。入到去坐低之后，职员会俾张印有鼎王麻辣锅既褶纸俾我地包住个口罩，放好口罩之后，佢地又再会拎埋支酒精搓手液俾我地再搓手。到佢地讲解完点用部ipad点菜后，佢地会系我地面前消毒部ipad，令人感到佢地真系严谨到一个点。
餐牌方面选择贵精不贵多，每个种类有啲野㨂，个人觉得可以接受，始终黎得呢度食就系想重质素，想食汤底同靓野食多过有一大堆选择但样样都普普通通。所以选择相对地比出面火锅店少亦都系十分合理。
68 浏览
0 赞好
0 留言
汤底有三个选择，酸菜白肉、麻辣或者鸳鸯锅，好明显系一定会叫鸳鸯锅，而个锅本身仲可以俾我地㨂酸度、辣度、少油等等。起初我地㨂左小酸小辣少油，食落觉得唔够力度，好彩醉同辣都可以之后再加番。个人觉得酸菜白肉要起码中酸先够，而麻辣就因人而异，我觉得如果你系有食下辣野但又唔敢话人知你食得辣既，就可以由中辣开始。汤底白肉不能任添，酸菜同鸭血就可以任添。
上选牛小排
$298
109 浏览
1 赞好
0 留言
首先讲下个上选牛小排。上菜卖相好整齐，食落牛味重，唔错唔错，但因为汤底味较浓，靓牛我觉得最好用酸菜白肉个边煮，煮完唔好点酱油食，牛味系最突出。
五花去骨鲜牛
$188
110 浏览
0 赞好
0 留言
五花去骨鲜牛都出乎意料地ok。当然，一定系一分钱一分货，牛味点都无上选牛小排咁重，牛肉纹理都无咁靓，但唔会系出去食超平任食火锅个种食落无味既牛，我觉得从性格比黎睇呢个系不错既选择。
卤蜂巢牛肚
$98
81 浏览
1 赞好
0 留言
卤水项其实有几个选择，不过我地只系㨂左呢个卤蜂巢牛肚。卤水味道适中，入味，唔会太咸，牛肚爽口弹牙，正常表现。放入麻辣锅煮下再食更正。
桂花蚌
$188
47 浏览
0 赞好
0 留言
海鲜方面我地只系叫左桂花蚌。海鲜都新鲜，正正常常，好味既，不过无大惊喜。
一品蟹滑膏
$108
87 浏览
0 赞好
0 留言
呢个一品蟹滑膏就十分ok！蟹滑在一般店舖好少见，食落有蟹味，值得一试。
40 浏览
0 赞好
0 留言
两个人食黎讲我觉得系叫多左少少，我地食量中等偏大食，大家如果系细食就自己就住叫喇，不过我地都食得晒咖，无做大嘥鬼。
酱料方面极之简洁，好明显系对汤底同食材极有信心。呢个我认同既，因为我都无乜点点酱料。有分麻辣沾酱同酸菜沾酱（即系腐乳），再加啲香菜（即系芫茜）同葱。另外如果想食饭，呢度白饭系任添的，饭煲放左系酱料区。值得一提，平时啲舖头酱料区系无遮无掩，但呢度系全部都有盖，而且都好干净，整齐企理。
餐桌非常阔落，亦有公共餐具使用，十分整洁卫生。餐桌仲有usb头可供叉电，如果无带线仲可以问职员借。
服务方面我觉得系好到吓亲，太有礼貌令人感到有点不好意思，讲解场地十分清楚，介绍食品煮食时间和食法也很细心，仲提我地用筷子夹鸭血有机会夹断弹到自己添！佢地仲超主动加鸭血加酸菜，我地细细声讲唔够辣同酸时，个姐姐可能估到我地讲紧乜，就立即飘过黎问使唔使加辣加酸！十分体贴！到埋左单出门外，佢地仲有啲僻味既喷雾俾你喷下。呢个年代系好少可有咁优服务质素既餐厅！十个赞！
三得利生啤
$96
49 浏览
0 赞好
0 留言
最后打边炉梗系唔少得啤酒啦，整番杯Suntory draft stout先～
张贴
