黃記煌三汁燜鍋 (已結業)

临时临急今日5点先决定嚟呢度食，用OpenRice book到最快8:30pm先有位，不过我哋早到左，都有好多位㖞其实。其实呢间餐厅喺大陆已经火咗好耐，闻说而家国内分店少咗，之前喺湾仔𠮶间我都试过嘅，味道唔及大陆啲店，开左冇耐又折咗。今次喺尖沙咀再开就试下啦。我哋叫咗呢个麻辣三黄鸡锅，店员一舖啲鸡嘅时候,望到鸡分量唔少，而且多数系鸡脾，俾我上次喺珠海食嘅多同大件👍🏻等个锅嘅其间，两个小菜嚟喇麻辣土豆丝，啲薯丝好入味，虽然系少麻少辣，但个汁好好味夫妻去食晚点可以少咗呢碟夫妻肺片呢。啲调味系唔错嘅，但佢雪得耐食落有啲实，摆耐咗软返就好好多。主角～鸡煲。我地拣麻辣小辣，对于我嚟讲愈食愈辣。个汁同大陆嘅一样好惹味，值得赞系佢比好多鸡脾肉，又唔会斩到好碎👍🏻啱啱滚起食得时啲肉好嫩滑。配菜仲有洋葱同好多蕃薯西芹。其实两个人食都几饱。我地加咗呢碟牛小排，啲脂肪唔算太多，食落好香牛味，就算渌耐啲都唔鞋㖞😋𠮶碟牛栢叶虽然好大碟，但我未食过咁冧嘅牛栢叶，一啲都唔爽😕鸭血同薯粉都唔错，鸭血唔够台湾𠮶啲火锅咁滑，有少少调味。个锅系一加汤就淡晒，一啲都唔辣。最可惜呢度冇大陆𠮶只扯面啦，唔系一定会叫。