Zakka (已結業)

近排成日好想食疏乎厘pancake，但日本個兩間，又成日要排隊，都無緣一試想正正經經坐喺間餐廳裏面食嘅真係少之又少！又或者係我未發掘到！ 竟然俾我發現到奧海城嘅呢間 Cafe 有得食! 仲要見之前的食評都唔差喎! 咁啱今日要到奧海城，梗係要即刻去試吓啦！呢度兩點半至5:29有提供下午茶，當然今次下午茶只係淪為配角啦！所以我只係揀咗最輕can嘅炸魚薯條！加杯熱嘅 cappuccino都只係＄38又的而且確幾抵食喎!賣相好精緻用個杯裝住炸魚同薯條! 質素滿意啦! 由於餐牌寫pancake要等30分鐘所以我一早已經叫定！食完個炸魚薯條,仲有時間落下格個pancake先到! 個pancake比想像中細（其實係貪心mode), ＄68其實係好抵食呀！伴碟有士多啤梨火龍果藍苺奇異果、仲有一 Pak 好好味（特別好味）嘅忌廉 仲加左一球細細的雪糕！我覺得個 pancake 好好味呀！完全滿足到我想食疏乎厘 pancake 嘅慾望，好開心呀！成日以為pancake係一陣風，但係一個食完之後其實都超飽！真係眼闊肚窄！cappuccino 亦係好味道 一定會為 pancake 再來仲有呢度係無收加一！