南駅 (已結業)

本身想食隔离𠮶间串烧，就因为要等一张枱我男朋友就选择过隔离呢间唔使等位呢间之前记得电视有介绍过 ，介绍佢嘅海南鸡饭同埋笼仔蒸糯米饭 ，入到去见差唔多每一台人都叫海南鸡饭，咁就顺理成章啦！另外叫多两个小食，一样系烧鸡泡鱼干，而另一样系炸鸡🍗，两样都系bad choice 😭海南鸡饭用专用玻璃碟盛载住，有个位放左壶汤，饮汤好似饮茶咁 ，别具风味，虽然汤都系一般般啦，里面有一件细细的雪耳，将啲热汤倒落去变得软化！鸡其实都几嫰滑（以我男朋友食鸡咁多年嘅经验），配上三款酱汁 ，粒粒分明嘅油饭。好可惜另外两款小食就⋯其实一日都系我衰，我误会左以为男朋友想食炸鸡🍗，点知原来佢系指住上面幅图嘅虾多士，炸鸡真系超热气呀！总共有六件咁多，我哋两个人夹埋都系食咗三件咋，虽然佢个脆浆入面嘅鸡脾肉仍然好嫰滑好juicy，不过脆浆太厚啦！另外又系叫咗一份烧鸡泡鱼干，其实之前喺另外一间日本野都食过一份，果次𠮶份佢哋烧到啲鱼干好软身㗎，甜甜的好好食仲嫌佢份量太少。而今次呢份虽然份量系之前嘅两倍，但系硬到咬都咬唔到。结果两份小食要打包走。