韓牛韓式燒烤 (已結業)

真系好耐冇去过旺角创兴开餐。地下大婶派宣传单如常，好！反正好耐冇食韩烧，想去望望环境先。从大门往里面睇，样样食物排列整齐，而且款式颇多，同朋友入去试吓先！烧牛肉一定系我首选，呢度牛肉薄薄一片片，烧烤一流！烧香两边，加埋泡菜，韩国辣酱，用生菜包裹放入口，牛肉多汁软身，生菜平衡油腻感，不错不错！其余铁板烧材料，特别推介牛仔骨、鱼柳、多春鱼、鸡翼。特别推介姜醋，猪手、鸡蛋和姜，非常足料，姜醋杰身味道浓郁，超班水准，钟意食姜醋嘅人一定要试！甜品、雪条绝对不能放过，款式多箩箩，啫喱、奶冻、软雪糕、椰汁糕、芒果糯米饭等等，细细杯可以试多几款。