食代館 (MOKO新世紀廣場) (已結業)

喺旺角东放饭，自不然就会谂到MOKO Mall，其中foodcourt更加系唔少人嘅童年回忆！(我记得读书生涯嘅我成日去foodcourt食饭，理由只得一个：穷) 今日难得行到嚟呢个平民食堂，就梗系要入去试返次foodcourt滋味喇。本身谂住早食饭会少啲人，点知一入到去就发现人头涌涌，睇嚟foodcourt真系由一开门就已经多人帮衬啦㖞。我环绕foodcourt一周之后，决定食上海料理，呢间食店门面相对普通，但因为我当下好想食口水鸡，于是就拣咗佢喇！但系，食完之后我只可以讲：大家可以唔使试......因为佢口水鸡嘅味道得咸味、无应有嘅麻辣味；担担面面身太淋，好似一Pat面团咁......加上价钱唔系特别平($48/无野饮)。所以，喺有得拣嘅时候，建议大家食另一间餐厅好过。