古早味台灣原味 (已結業)

今日放工约左朋友系铜锣湾食饭，唔想去高消费餐厅，所以就上黎睇下有咩又平又抵食既餐厅，见到呢间台湾菜，就决定即管一试上到餐厅未到七点唔使等位就入座，餐厅好大好多位，人多应该都唔使排好耐，坐底见到个环境好舒服，每枱之间都有足够距离，餐厅气氛好好，朋友倾计或者情侣黎会好舒服餐厅食物比一般铜锣湾既消费算平，所以我就放任自己点野食先点左个红烧猪软骨面，干煸四季豆，台湾刈包同柠檬薏米水，全部都好有水准第一碟上菜系四季豆，上菜时仲出紧烟，抵赞菜炒得好香好惹味，配小小肉碎一流，白饭可以𩠌两碗之后就到红烧猪软骨面，好欣赏老板会加红萝卜🥕，出面餐厅但求快，放两条菜就算，呢个真系细心位，猪软骨仲要有三大件，铜锣湾食绝对系超值面系手工面，好有咬口，果然贴近台湾原味餐厅有好多台湾小食，其中刈包就系香港既台湾餐厅唔太常见，见到就一定要试下，点菜个时姐姐已经好贴心问要不要切开，我以为佢就咁切一刀，点知佢好贴心用纸包好两件方便我拎黎食猪肉好香好腍好入味油脂既比例唔会太多，配面包唔会感觉太腻，有入口即溶既感觉值得一试最后赞下呢个柠檬薏米水，好清新，食完肉再饮一啖，味觉即刻清醒晒最后要赞下餐厅侍应好有礼貌唔该前唔该后，食