Infiniti C By October (已結業)

成日经过，有听朋友讲过，所以令到我有啲兴趣试吓呢间野。舖头装修得好靓，啱晒打卡。一入到去已经见到每枱女仔都影紧食物打卡相。冇位所以叫咗1件蛋糕拎走，都要$80个。始终系自家制装修有咁靓贵啲都系正常嘅。听闻佢好似系纯素蛋糕。笋数蛋糕我系第二次食，第一次食系中环有唔好嘅经历因为个蛋糕系超级甜。所以有兴趣试第二次就嚟咗呢间。叫咗个希腊乳酪雪糕，个蛋糕好靓系有啲唔舍得食。不过口感就唔系我预期咁好食，好鞋口，冇普通蛋糕嘅𠮶种绵滑口感。佢用嚟装饰嘅忌廉都唔系好好味，个味唔突出。其实食完成个蛋糕都觉得好鞋口，唔太enjoy。所以纯素蛋糕唔系人人啱食，我唔系素食者所以我唔会再食第三次。