健康食品拉麵 (軒尼詩道) (已結業)

之前男朋友带我去中环果间食过一次，都觉得唔错，同埋因为侍应都系日本人，感觉都几正宗咁。到湾仔依间开左我地又黎试下，上一次太晏黎摸门钉（last order左），今次早d 7点就黎，居然一个人都无？😨咁我男朋友就叫拉面，我就照旧叫我中意既乌冬、另外叫左个炸蟹饼。今次再食野菜冷乌冬，佢将大葱变左青葱（个人唔中意青葱）而个味道相对上次食觉得好似有少少失色左。不过糖心蛋依旧好味。而个炸蟹饼即叫照炸好热辣辣，味道不过不失啦，未至于话觉得好好食。其实我觉得佢既食物系ok正路既，但你话系咪惊为天人我又觉得唔系，不过当想食日本野果阵，依间不失为一个好选择，价钱都相宜既。