The Meat Co.

呢度以前有档日式牛扒小档，大大旧食得好满足，典知变天后，乜都唔同哂。难得过嚟staycation，咁耐冇嚟咪豪返次啰，系啊，我哋啲低下层，几旧水食餐好豪𠺢啦阴公。咁我都知，三旧食和牛系好鬼平，我系著得好街坊，自问有小小样衰，不过你都唔洗俾块小流氓咁薄，仲系煎定响树，系煎定响树！我睇住肥妹好爽手咁夹块熟咗嘅薄牛扒过去煎炉上面，我心谂唔系我果块呱⋯⋯，当收钱位冇咁肥嘅肥妹推一推个餐盘望住我，我又望返佢，再用自己只无力啊手指下自己个鼻，佢又点头回应𠮶一刻，我就几肯定我人生有几黑暗。我好卑微咁坐埋一边，享受呢块系的确系有油滋，系有多少牛味嘅「和聊」，心谂，住响香港几好吖，三旧水有禾牛叹，想死咩，咁我心理就平衡晒，再次期望返工嘅日子。老实讲，我唔系怪果两个肥妹，我系怪档嘢做乜容许咁样做生意，怪间酒店咁好名声，做乜唔小心啲拣食店。毕竟，呢度净返好嘅嘢已经唔多，唔好咁搞啦好冇！