牛魔 (已結業)

上次食完牛魔之后一直都念念不忘。于是我同女朋友就衬假日去再食。牛魔开12点，但未够钟已经有三、五位顾客喺出面排队等紧喇。原来打算好似上次嚟食咁点烧肉，入座睇到餐牌，原来午市有lunch set，价钱都好抵，所以转咗目标，点咗两个lunch set。安格斯特选牛肉眼丼饭餐 - 牛魔将安格斯肉眼扒烧好后切片，再铺上饭上面。肉眼片边脆肉嫩，牛味香浓，非常之诱人。慢煮牛肋骨餐 - 我平时食牛肋骨饭通常都系喺啲韩式餐厅，喺日式烧肉店食都系第一次。牛魔嘅慢煮牛肋骨绝对唔会比韩式餐厅差。汁酱配埋白饭嚟食，令你食欲大增。依两个套餐都配上特选餐汤，沙律同三款前菜。真系无得弹。