池記 (已結業)

行过德福,明明想去洗手间,点知见到有面食,又忍唔住行入去,都差不多到落闸放狗等收工时间,几位阿姐唔得闲理你,都等左一阵,终于有人落单.一向都最推麦文记,池记讲起都瘀,竟然第一次食,真系有无搅错.当然地要云吞面,云吞放底面系面,正常,呷啖汤,虽未够浓,但依然几香,不过不失,面渌得洽到好处,亦没有夺命碱水味,又合格,云吞包得正常,但食落有点淡.大概是好旺角的级数,比上不足,比下有余.廿几蚊一碗,又要灯油火腊又要人工又要租,都唔知有几多食落肚.