新廣南餐室

营业中

休息中

原来自己睇食评系咁粗心大意,明明系餐厅,唔知点解,总系以为佢系茶餐厅?!由于太太近来要响旺角上堂,多好多机会响附近揾食,终于到呢间。网上意见不一,不过无论如何,总要亲自试先得。叫海南鸡饭、焗石斑猪扒饭套餐(包汤同饮品,冻热同价添!)餐汤要罗宋汤,我自己就觉得唔多掂,一味辣同咸,一d茄味都冇。不过太太就话OK,太松手啦!主菜上场，海南鸡饭先到。d鸡唔肥，同都算入味。d饭好正，唔油腻仲好香口。跟餐有个汤，系葛汤。好浓郁！整体讲，妹仔大过主人婆啦！之后焗饭都到喇！虽然要等，但系等得有价值。猪扒有质感，而且做到外脆肉松软。饭底茄味浓郁，可惜有少少油腻。不过，焗饭好难唔油，去下大家x、大快x，仲油...最后，石斑真系冇乜特别...餐饮要奶茶，以餐厅讲，水准算唔错。服务ok，起码落单、上菜都几快手。有机会应该会再。