茶軒台灣料理珍珠奶茶 (已結業)

铜锣湾中午食饭好多地方都要排队, jade pearl亦唔例外. 但系茶轩可能因为够大, 排队既时间特别少, 所以呢日lunch我地就去左食台式午餐.我自己觉得铜锣湾旺区食野就一定系贵架喇, 所以见到价钱都无咩反应. 但朋友见到餐牌后话台式野食做咩会卖到咁贵...我自己叫左上海排骨菜饭. 呢个系我一向好钟意既菜式. 虽然份量方面明显系比较少(唔似得xxx快餐厅咁多饭同咁大块排骨), 但味道唔错, 菜够多, 饭够香, 同埋排骨都唔油.朋友叫竹筒肉燥豆腐饭. 呢个饭当然都系唔多, 盛系个小竹筒, 几香几靓. 不过朋友话略为油腻, 食完亦见到成个小竹筒都好油...除此之外, 我地仲叫左小食同味菜分享. 炸蚵仔几好食, 炸得够香脆, 亦上枱热辣辣. 食落有d黑椒味, 几正.其实成餐饭都可以接受, 只系份量如果大d就好...